A. P. J. Abdul Kalam एपीजे अब्दुल कलाम यांची माहिती मराठी

                            डॉ. कलामांनी सर्वांत प्रथम ‘पृथ्वी’ नामक प्रक्षेपास्त्राच्या कार्याला सुरुवात केली. फेब्रुवारी १९९४ मध्ये ‘अग्नी-१‘चे परीक्षण झाले. मध्ये पाच वर्षांच्या प्रतिक्षेनंतर ११ एप्रिल १९९९ ला ‘अग्नी-२‘ आणखी प्रगत स्वरूपात आले. ज्याची साऱ्या विश्वात चर्चा झाली. दोन हजार कि. मी. पेक्षा अधिक दूरवर याचा मारा होता. त्याला अणुशस्त्रांनी भरून त्याची प्रहारक्षमता आणखी वाढवली जाऊ शकते. ‘पृथ्वी’ क्षेपणास्त्र जमिनीवरून जमिनीवर मारा करणारे होते. जे सेनेकडून प्रयोगासाठी तैनात केले. ‘त्रिशूल’, ‘आकाश‘ व ‘नाग‘ ही क्षेपणास्त्रे लवकरच सेनेकडे सोपविली गेली. ‘त्रिशूल’ हे प्रक्षेपास्त्र काही दूरपर्यंत मारा करणारे, पण प्रत्येक मोसमात व दिवसा अथवा रात्रीही काम करणारे आहे. अनेक वेळा त्याची चाचणी झाली. त्याचे वैशिष्ट्य हे की, शत्रूच्या क्षेपणास्त्राला ९ कि.मी. दूरवर वाटेतच हे थांबविते व ६ सेकंदांत कार्यरत होते. ‘आकाश’ मध्यम दुरीवर मारा करणारे क्षेपणास्त्र आहे. पृथ्वीवरून सोडल्यावर त्याची प्रहारक्षमता २५ कि.मी. पर्यंत आहे. त्याला कार्यरत व्हायला १५ सेकंद लागतात. त्यानंतर दर ५ सेकंदांनी सतत या क्षेपणास्त्राचा मारा करता येतो. ‘नाग’ क्षेपणास्त्राच्या कार्यक्रमाला यशस्वी करण्यात डॉ. अब्दुल कलामांचे महत्त्वाचे स्थान आहे. त्यांच्याच देखरेखीने या सर्व मिसाइलचे परीक्षण केले गेले.