चक्रवर्ती राजगोपालाचारी यांनी  समाजात पूर्वापार चालत आलेले धार्मिक अवडंबर, स्पृश्यास्पृश्यता, शिवाशीव, पाखंडीपणा या विरोधात ते कंबर कसून उभे राहिले. कारण त्यांच्या बालवयापासून ते हे सगळं बघत होते. ते त्यांना असह्य झाले होते.

            समाजातील वरिष्ठ जातिवर्ण यामुळे चकित झाला. दुखावला. त्यांना समजावले गेले की, त्यांनी हे सगळे सोडून द्यावे; पण त्यांनी कोणाचेच काहीही ऐकले नाही. यामुळे चिडून जाऊन त्यांनाच जातिबहिष्कृत केले गेले. इतके की, त्यांच्या वडिलांच्या निधनानंतर दहन संस्कारालाही कोणी आले नाही. तरीही ते आपल्या निर्णयावर निश्चल राहिले.

             त्यांच्या समाजसेवेमुळे ते सेलम नगरपालिकेचे नगराध्यक्ष म्हणून निवडून आले. दोन वर्षांच्या त्यांच्या कार्यकाळात अस्पृश्यांसाठी त्यांनी खूप मोलाची कामे केली. ‘त्यांना मनाई असलेल्या रस्त्यांवरून चालण्याची अनुमती, नगरपालिकेच्या नळाचे पाणी मिळणे, देवळांच्या आजूबाजूला हिंडणे-फिरणे- बसणे’ अशा सगळ्या गोष्टींना कायदेशीर मान्यता मिळवून दिली. साहजिकच या क्रांतिकारी बदलांमुळे जनतेच्या मनात त्यांच्याबद्दल स्थान निर्माण झाले.