लता मंगेशकर माहिती मराठी lata mangeshkar

                      लताजींनी पहिला स्टेज प्रोग्रॅम सोलापूरमध्ये दिला होता. दीनानाथजी कार्यक्रम प्रस्तुत करण्यासाठी शहराशहरांतून फिरत असत. त्यांच्याबरोबर लताजीही जात. वडिलांच्या संगीत नाटकांतून त्यांनी कामे केली. त्यांना ईश्वरभक्तीचे संस्कार घरातूनच आई व आजीकडून मिळाले. हिंदी, मराठी भजने, लोकगीते, भगवद्गीतेचे पारायण हे सर्व लहानपणापासूनच त्यांच्या आई व आजीकडून त्यांनी ऐकले. स्वतःही सहभागी झाल्या. म्हणूनच त्या पुढे नेहमी शांत चित्ताने गात असत.     

        न्यूयॉर्कच्या ऑडिटोरियममध्ये बॉम्बची अफवा उठल्यानंतरही त्या जराही विचलित न होता स्वस्थ चित्ताने गात राहिल्या.

                      या त्यांच्या ईश्वरनिर्मित व कष्टार्जित संगीत-गायन स्वरासाठी ‘गानकोकिळा’ हा किताब त्यांना देण्यात आला. लताजींचा मूळ स्वभाव आस्तिक आहे. गायनाच्या या अत्युच्च स्थानावर पोहोचविण्याचे श्रेय त्या आपल्या मूळ मंगेशीच्या इष्ट भगवान शिवाला देतात.